ايه الى حصل ليناهل كرامتنا اصبحت فى البتينجان يظهر كده لاننا فى مصر زغرتنا اوى على الى عمله منتظر والى عمله شافيز والى عمله رجب طيب اردوغان ولسه بنهلل وهللنا لابو تريكة لما رفع الفانلة ومكتوب عليها تعاطفا مع غزةوبعدين يعنى احنا بنعملايه هنفضل نتفرج لحد امتىامتى نشارك عايزين يوم غضب بجديوم نقول فيهلحكومتنا فيه كفاية ذل كفاية مهانةاليو نان كلها انتفضت علشان صبى قتل على يد الشرطةكم صبى وكم رجل وكم فتاة قتلو على يد الشرطة فى خلال الاعوام الاخيرةكم مواطن عذب او انتهك عرضه او عرض زوجته او اخته على يد الشرطةان الشرطة قد ارتكبت جرائم تحاكم عليها حكومات بأكملها وتقالومع ذلك حكومتنا الميمونة مازلت فى مكانها
مات اكثر من الف نفس فى عبارة
ومعذ لك لسه ساكتين
مات المئات فى الدويقة رغم توافر اماكن بديلة لهم منذ سنوات ومع ذلك
لسه ساكتين
مفيش شغل
ولسه ساكتين
بناكل اكل مسرطن
ولسه ساكتين
بتتداس كرامتنا بالجزم
ولسه ساكتين
بيتصدر غازنا لاسرئيل وبأقل من السعر الى بيتباع لينا بيه
وبرضه لسه ساكتين
طلعت مصطفى خد ارض مدينتى ببلاش تقريبا
ولسه برضك ساكتين
احمد عز احتكر الحديد وبيتحكم فيه
ولسه برضك ساكتين
مبقناش لاقيين نتجوزولسه ساكتين
اسرئيل بتمرح فى سيناء ولاكأنها عزبة ابوها
ولسه برضك ساكتين
لحد امتى هنسكت بقى
الحل ايه
الحل ايه
اننا نثور و نحتج نقول للظالم لا كفاية غور
ننزل الشوارع نعبر عن غضبنا فى يوم احنا اعتبرناه يوم ميلاد لينا كلنا كشباب منزلش الشارع قبل كده
احتجاج عام لشعب مصر6 ابريل 2009
شباب 6 ابريل
شباب مصرى
شباب حر
المشاركات
هناك 6 تعليقات:
كل ده ياراجل شيله من جواك للحكومة
ايه الغل ده كله
شباب 6 ابريل
الشباب الى بجد
شباب حر مش عبد
بس يارب الاضراب ده ينجح والناس كلها تشارك
وانا من ناحيتى هعمله الدعاية بين كل الى اعرفهم زى ما عملت للاضراب الى فات
لازم يبقى فيه تفعيل يا شيف للدعوة دى
وده عن طريق رسايل الموبيل العشوائية
والاسبراى الى يترش على الحيطان ى الشوارع
والمنشورات
والدعوة فى جميع المنتديات ومواقع الانترنت
انتا ايه الى حصلك ياواد انتا مش مكنش ليك فى انك تطالب بحقك وتقول خلينى فى حالى
مهى حاجة تقرف بصراحة ياعبد عاملين يبرطعو فى البد ولا كانها بلد ابوهم
وخصوصا جمال مبارك الى عمال يروح هنا وهناك وكانه ماشى فى عزبة ابوه
إرسال تعليق