اعدام فرعون

شاهدت منذ عدة ايام الفيلم التسجيلى اعدام فرعون والذى طالبت مصر ايران بتقديم اعتذار عن هذا الفيلم بحجة انه يسىء الى المؤسسة العسكرية والرئيس محمد انور السادات وسمعة مصرولكنانا شوفت الفيلم ولقيته من اجود الافلام التسجيلية الى شوفتها فى حياتى من حيث الحياديةفاالسادات قام فى خلال اربع سنوات بمسح رصيده بأستيكة عند المصريين
فأولا قام برفع اسعار السلع الاساسية مما ادى الى انتفاضة 77
ثم اتفاقية كامب ديفيدثم حل مجلس الشعب عندما رفض الاتفاقية
ثم اخير اعتقال كافة الرموز المصرية المعارضة والدينية على حد سواء
ومع الفساد اللى انتشر فى عهده بطريقة فظيعة
ومع بدء تخريب القطاع العام
بالاضافة الى قطع العلاقات بالدول العربية والاسلامية
واعتباره كارت محروق بالنسبة لاسرئيل وامريكا بعد التوقيع على معاهدة السلام مع الصهاينة
وحيث ان الدول العربية لن تضع يدها فى يد السادات مرة اخرى
فكان الاصلح للجميع ان يزاح السادات عن الساحة
وبما انك اكيد اكيد فى مصر
وبما ان مفيش حد بيسيب كرسى الحكم غير بموته
فكان يجب ان يتم قتل السادات او تسهيل عملية قتله وذلك يتضح من خلال الفيلم
1- الخطة الساذجة التى وضعت من قبل الملازم اول خالد الاسلامبولى
2-معرفة الخطة قبلها بساعة عن طريق مباحث امن الدولة بشبرا
3- انضمام افراد من خلية اسلامية الى وحدة المدفعية المشاركة فى العرض دون اجراء اى تحريات عنهم وقبولهم
4- دخول افراد الخلية الى منطقة العرض بأبر الضرب واكتفاء الظابط المسؤل عن ذلك بسؤال روتينى للملازم خالد الاسلامبولى بالرغم من ان خالد كان قد اتفق مع ظابط ان يمده بأبر ضرب اخرى بعد سحب الابر منه وتم اعتبار هذا الظابط كشاهد ملك فى القضية مما يعنى ابلاغه لقيادته بالجيش بعملية اغتيال السادات قبل العملية
5- نزول خالد الاسلامبولى من على عربته هو وافراد الخلية بالمخالفة لما هو متبع
6- ارتداء الملازم خالد كوتشى رياضى حسب كلام جيهان السادات فى اثناء الاغتيال بالمخالفة الصريحة للقواعد العسكرية المتبعة
7- وصول خالد ومجموعته باسلحتهم احياء الى المنصة واطلاقهم النار على السادات ثم انسحابهم الى العربة والقبض عليهم بعد ذلك( طبعا الحرس الشخصى للسادات كان فى الحمام ساعتها)القبض على خالد ومجموعته احياء على غير توقع خالد الاسلامبولى نفسه حيث انه توقع قتله على يد الشرطة العسكرية بمجرد اقترابه من المنصة وفشل العملية (على حسب كلام الدفاع)
اما ما يجعلنى استعجب هو سكوت عائلة السادات عن هذه القضية حتى الان مما يعنى قبولها الدية
وكل عام وانتم بخير
ورمضااااااااااااااااان كريم

اخر اخبار دولة بتينجانستان

نشرت الصحف القومية البتينجانستانية خبر هام جدا اليوم واليكم نص الخبر
فى استطلاع رأى لمؤسسة غربية محايدة للاسف مش فاكر هى مين بالظبط
ان مبارك يتمتع بشعبية عالية جدا بين شعب دولة بتينجانستان متفوقا على الرئيس الامريكى باراك اوباما وبان كى مون وميراكل ومش عارف مين تانى
الخبر ده مش تهريج والله ياجماعة انا قريته النهاردة فى الجمهورية ورزا ليوسوف
طبعا انا مش هقدر اعلق غير بحاجة واحدة
صوتى يالى انتى مش غرمانة

الكورة البتينجانية المصرية

مصر تلاعب البرزيل
بحرفية عالية
وتلاعب ايطاليا وتهزمها
وتيجى عند امريكا وتصعدها
هو فيه ايه
هو المنتخب بتاعنا اذا كان زيدان مبيلعبش جنب ابو تريكة ميجيبش اجوان
دى ايه الخيبة التقيلة دى
هى امريكا بتكسبنا دايما فى كل حاجة
ولا هى جت بظروفها
علشان المعونة متنقطعش ومنزعلش اوباما
جتنا خيبة وستين نيلة
ولا هندخل مونديال ولا هندخل حتى قهوة عم سيد

احترس من غزو الفكرالكشرى ستانى ونشره فى بلاد بتينجان ستان

خرجت علينا الاستاذة لميس الحديدى بمقال اعجوبة فى صحيفة المصرى اليوم تحذرنا فيه من المخطط الشيعى لنشر الزى الايرانى
الى هو العبأة الايرانية بين المصريين وكيف اختفى اليشمك الى كانو بيحطوه المصريين زمان ايام عم قاسم امين رحمة الله عليه
والى حررهم منه الله يسامحه ويكون فى عوننا وكيف اختفت الجلبية البلدى وحل محلها الجلباب الايرانى
بس سؤالى للاستاذة لميس
هو التيير الى حضرتك كنتى لبساه فى الرنامج بتاعك مش ده زى الفرنجة برضك وبالتالى ده غزو فرنجى جديد
والبدلة الى احنا بنلبسها مش من ازياء الفرنجة
والجلباب الى احنا بنلبسه سواء جلباب وهابى ولا جلباب ايرانى ولا حتى جلباب بلدى
فيه وحدة وطنية لان كله صنع فى الصين
وسؤالى للاستاذة لميس
ماهو الزى القومى للمصريين ؟

البتينجان من اجل البتينجان

البتينجان من اجل البتينجان شعار يرفعه كل فنان مهطول فى بلاد بتينجان ستان
فكل كاتب بتينجانى يوجد لديه مواهب بتينجانية
يقوم علشان روايته البتينجانية تتشهر يعمل الخلطة المشهورة للرواية البتينجانية الى هى
1- الفاظ خارجة
2- جنس
3- ازدراء اديان
4- اضطهاد
وهى دى الخلطة السرية للرواية البتينجانية علشان تتشهر
الفكرة انك لما تيجى تكلم اى حد منهم تعرف فى الاخر ان اصلا هو عامل دماغ بتينجانية
يقولك اصل ده بتينجان مينفعش تحكم عليه من منظور الكوسة
ياعم انتا بس انتا كده بتخرب البيتينجان العام
يقولك فى حاجة اسمها حرية البتينجان
ومش من حقك تحجر على بتينجانى طيب ياعم ايه لازمة المنظر ده فى الرواية البتينجانية بتاعتك
يقولك ده بيخدم البتينجان زى الزيت ما بيخدم الفول
طيب انا ممكن اسالك سؤال هو انتا مينفعش تعمل البتينجان بتاعك من غير ما تأذى مشاعر الى قدامك
ياهقول طبعا ان ده بيتقال على طول فى الشارع البتينجان ستانى
اقوم انا متنرفز واقول ليه وانتا مالك ليه تنشرها زيادة وتخليها تبقى عادى
هل ترضى لاختك او امك انها تشوف حاجة زى كده او تسمعها
لو قلت عادى تبقى مش راجل
وده طبيعى طبعا لان الرجالة ماتو فى الحرب
والى اتبقى ماتو فى العبارة
والشوية الى اتبقو قررت الدخلية مشكورة ادخلهم الى محمية وادى النطرون للحفاظ على النوع من الانقراض
وكل بتينجان وانتم طيبين

كرامة الريس بقيت فى البتينجان

الريس بقىت كرامته خلاص فى البتينجان
بعد ما ليبرمان قال اذا لم يذهب مبارك لأسرئيل فليذهب الى الجحيم
وليبرمان دلوقتى بقى هو وزير الخارجية ياترى مبارك هيبوسو برضك ولا ممكن ليبرمان ميرضاش يبوس مبارك
كرامتك ياريس بقيت بتينجان عروس

البتينجان فى اصحاب ولا بزنس

طلع علينا احد رؤساء الموكوسة المسماة بالصحف القومية
بيقول ان الى بيدافع على ايران مجرد ناس بتقبض منها ازاى ندافع عن ايران ويكون لينا علاقات دبلوماسية معاها وهى تحتل ثلاث جزر عربية
... ده طبعا اللفظ الابيح الى طلع منى اول ما قريت بداية المقال
اسرائيل الى لزقة فينا وليبرمان الى هدد بضرب السد العالى وبقى وزير فى الحكومة الاسرئيلية المتطرفة قطة وديعة
سيبك من ده لكن السباك ده لما يجى يقول ان الصحفيين زمان كان بشوات ومش اى حد كان بيقى صحفى ولدوقتى بقى ممكن تلقى واحد لبس بنطلونين فوق بعض وشبشب بعد كام سنة يبقى رئيس تحريرمقدرش اقول غير ... نفس اللفظ الابيح

يحدث فى دولة بتينجانستان

خبر هام (نقلا عن الجريدة الرسمية لدولة بتينجانستان)
قام سيادة رئيس دولة بتينجانستان بزيارة هامة للغاية للحمام حيث قضى سيادته فى هذه الزيارة 41 دقيقة وتعققد مصادر برياسة الجمهورية
بدولة بتينجانستنان ان سيادة الرئيس قام بهذه الزيارة بسبب حدوث عفونة فى معدة سيادته ومن المعروف ان اى عفونة فى معدة سيادة الرئيس تؤثر على قرارات سيادته مما يعود سلبا على الوطن بروائح كريهة للغاية
وفى النهاية تقول الجريدة بالنيابة عن جميع مواطنى الدولة للاب الانسان الرئيس
شفيتم
بقلم
ناقص سرايا القط

الصحة كمان اصبحت بتينجان

شعرت بأرتفاع مفاجىء فى ضغط الدم اثناء سيرى بوسط البلد فذهبت لصيدلية الاسعاف لقياس الضغط
فقالو ليا انى اروح مرفق الاسعاف الذى بجانبهم فذهبت إليه وسألت على بوابة المرفق اريد قياس ضغط الدم فقال لى اذهب الى هذا المبنى واشار الى مبنى متهالك فدخلت المبنى ووجدت ان دورات المياه المدرسية انضف منه وسألت ممن اعتقد أنه ممرض انى اريد قياس ضغط الدم فقالى 3 جنيهات
3 جنيهات من اجل قياس ضغط الدم وهى تقدم كا خدمة مجانية فى اغلب الصيدليات او تقدم بجنيه واحد فقط فى بعضها
ومع ذلك وافقت ودون ابداء اى اعتراض فقال لى انتظر هنا وتركنى وانشغل بالحديث مع دكتورة حديثة التخرج تحاول الخروج قبل ميعاد انتهاء العمل بساعتين وهو يقول لها انه لايستطيع عمل شىء لها اذا رأها مدير مرفق الاسعاف وهكذا جلست ما يقرب من 25 دقيقة انتظر حتى مللت الانتظار فذهبت دون قياس ضغط الدم
وقد حدث لى ايضا منذ عام ان اصيب صديق لى بأزمة قلبية اثناء ادائه لاختبارات نصف العام الدراسى وذهبنا به الى مستشفى هليوبلس
العام بمصر الجديدة فطلبو 500 جنيه تأمين دخول العناية المركزة وعندما شرحنا لهم اننا طلاب ولانملك هذ المبلغ فوافقو على ادخاله العناية المركزة مع التعهد بدفع المبلغ وإلا سيتم اخراجه من غرفة العناية المركزة وحتى يتم توفير المبلغ قمنا برهن اجهزة المحمول الخاصة بنا لدى محل بيع اجهزة محمول وعندها افهمنا احد الممرضين اننا من الممكن ان لاندفع المبلغ عن طريق ابلاغ المستشفى انه وجد فى الشارع ولا يوجد مع اى شخص مقابل دفع 20 جنيها له
هذه هى بركات نظام مبارك اذن وبركات الفكر الجديد
وكل بتينجان وانتم بخير

يتينجان فى مدارس اللغات

اصبح من شروط التقدم لاى مدرسة لغات اجنبية على ارض مصر
ان تكون اجنبى ومش شرط بس انك تكون معاك جنسية اجنبية لا ميكونش معاك جنسية مصرية
وده فى مدارس طيبة للغات ومدارس نارمر كوليدج

أيه هو الفرق بين هتلر ومبارك

هتلر

كان رئيس الدولة

والحزب النازى الحاكم

والقائد الأعلى للجيش

وله حق نقض أحكام القضاء

مبارك

رئيس الدولة

ورئيس الحزب الوطنى الحاكم

والقائد الأ على للقوات المسلحة

وله حق نقض أحكام القضاء

هتلر

كان شايف أنه القائد الملهم والزعيم الذى لايخطىء بالاضافة الى انه يؤمن بانه لابد ان يكون صاحب القرار الوحيد فى البلاد حتى يستطيع شعبه ان يحاسبه فى حالة الخطأ

مبارك شايف نفسه كده برضك بس انه شايف ان شعبه مش من حقه يحاسبه على اخطائه لانه شعب من الرعاع يعنى احنا بقينا رعاع

بس هتلر

كان شايف أن ألمانيا فوق الجميع ويؤمن برفعة الجنس ألارى وأنحطاط اليهود

مبارك مؤمن أن مصر تحت الجميع وأن المواطن المصرى ملوش لازمة ويداس بالجزمة ويؤمن بعلو ورفعة كل يهودى

هتلر بنا المصانع وهو الى شجع قيام مصنع فولكس

الشهيرمبارك قفل المصانع وباعها وخربها

بتينجان فى برنامج الرئيس

بتينجان فى برنامج سيادة رئيس دولة بتينجانستان
فى اطار برنامج الانتخابى للرئيس
بتاريخ 6 فبراير ص24
مميزات المشروع
وحدة سكنية مساحة 63 متر
دعم مقدم للمستفيدين من المشروع 10000 الاف جنيه

وارجوكم لا تسبوننى حين تتعرفو على شروط التقدم للمشروع لانه لست انا الذى يقول هذاولكن الذى قال هذا هو سيادة الرئيس هو ووزيره المغربى وزير ابعادية الاسكان
شروط التقدم للمشروع
1- إلا يقل السن للمتقدم عن 20 سنة وإلا يزيد عن 50 سنة
2-الشرط التانى ده بقى تافه جدااااا
وهو الدخل
يعنى لايقل دخل الاعزب الى هو حضرتنا عن 21 الف جنيه سنويا بمعدل 1750 شهريا بس
اما بالنسبة للمتزوج فهو إلا يقل دخله عن 30 الف جنيه بس شهريا بمعدل 2500 جنيه شهريا بس

لن استطيع التعليق سوى بجملة واحدة وهى
حسبى الله ونعم الوكيل

اشعار عم نجم

صرخة جيفارا

جيفارا مات

اخر خبر فى الراديوهات

وفى الكنايس والجوامع

وفى الحواري والشوارع

وع القهاوي وع البارات

جيفارا مات

واتمد حبل الدردشه والتعليقات

مات المناضل المثال

ياميت خسارة على الرجال

مات الجدع

فوق مدفعة جوه الغابات

جسد نضالة بمصرعه ومن سكات

لا طبالين يفرقعوا ولا اعلانات

ما رايكم دام عزكم ياانتيكات

يا غرقانين فى المأكولات والملبوسات

يا دافيانين ومولعين الدفايات

يا محفلطين يا ملمعين ياجيمسنات

يا بتوع نضال اخر زمن فى العوامات

ما رايكم دام عزكم جيفارا مات

لاطنطنة ولا شنشنه ولا اعلامات واستعلامات

عينى عليه ساعه القضا

من غير رفاقه تودعه

يطلع انينه للفضا يزعق ولا مين يسمعه

يمكن صرخ من الالم

من لسعه النار ف الحشا

يمكن ضحك او ابتسم او ارتعش او انتشى

يمكن لفظ اخر نفس كلمه وادع

لجل الجياع يمكن وصيه

للى حاضنين القضيه فى الصراع

صور كتير ملو الخيال

والف مليون احتمال

لكن اكيد اكيد اكيد ولاجدال جيفارا مات

موتة رجال ياشغالين

ومحرومين يا مسلسلين رجلين وراس

خلاص خلاص

مالكوش خلاص غير بالبنادق والرصاص

دا منطق العصر السعيد

عصر الزنوج والامريكان

الكلمه للنار والحديد

والعدل اخرس او جبان

صرخه جيفار

يا عبيد في اى موطن او مكان

مافيش بديل مافيش مناص

يا تجهزوا جيش الخلاص

يا تقولوا على العالم خلاص

رجعوا التلامذة

رجعوا التلامذة

ياعم حمزة

للجد تانى

يامصر انتي اللى باقية

وانتى قطف الاماني

لا كوره نفعت

ولا اونطه

ولا المناقشة

وجدل بيزنطه

ولا الصحافة والصحفجية

شاغلين شبابنا عن القضية

قيمولنا صهبة يا صهبجية

ودوقونا طعم االاغانى

رجعوا التلاميذه للجد تاني

طلعوا التلاميذه ورد الجناين

اسمع يا ميلص وشوف وعاين

ملعون ابوك ابن كلب خاين

يا صوت اميركا يا امريكاني

هما مين هما مين واحنا مين

هما الامر والسلاطين

هما المال والحكم معاهم

واحنا الفقرا المحكومين

حزر فزر شغل مخك

شوف مين فينا بيحكم مين

احنا مين وهما مين احنا الفعلا البنايين

احنا السنه واحنا الفرض

احنا الناس بالطول والعرض

من عافيتنا تقوم الارض

وعرقنا يخضر بساتين

لحد امتى هنفضل ساكتين

ايه الى حصل ليناهل كرامتنا اصبحت فى البتينجان يظهر كده لاننا فى مصر زغرتنا اوى على الى عمله منتظر والى عمله شافيز والى عمله رجب طيب اردوغان ولسه بنهلل وهللنا لابو تريكة لما رفع الفانلة ومكتوب عليها تعاطفا مع غزةوبعدين يعنى احنا بنعملايه هنفضل نتفرج لحد امتىامتى نشارك عايزين يوم غضب بجديوم نقول فيهلحكومتنا فيه كفاية ذل كفاية مهانةاليو نان كلها انتفضت علشان صبى قتل على يد الشرطةكم صبى وكم رجل وكم فتاة قتلو على يد الشرطة فى خلال الاعوام الاخيرةكم مواطن عذب او انتهك عرضه او عرض زوجته او اخته على يد الشرطةان الشرطة قد ارتكبت جرائم تحاكم عليها حكومات بأكملها وتقالومع ذلك حكومتنا الميمونة مازلت فى مكانها

مات اكثر من الف نفس فى عبارة

ومعذ لك لسه ساكتين

مات المئات فى الدويقة رغم توافر اماكن بديلة لهم منذ سنوات ومع ذلك

لسه ساكتين

مفيش شغل

ولسه ساكتين

بناكل اكل مسرطن

ولسه ساكتين

بتتداس كرامتنا بالجزم

ولسه ساكتين

بيتصدر غازنا لاسرئيل وبأقل من السعر الى بيتباع لينا بيه

وبرضه لسه ساكتين

طلعت مصطفى خد ارض مدينتى ببلاش تقريبا

ولسه برضك ساكتين

احمد عز احتكر الحديد وبيتحكم فيه

ولسه برضك ساكتين

مبقناش لاقيين نتجوزولسه ساكتين

اسرئيل بتمرح فى سيناء ولاكأنها عزبة ابوها

ولسه برضك ساكتين

لحد امتى هنسكت بقى
الحل ايه

اننا نثور و نحتج نقول للظالم لا كفاية غور

ننزل الشوارع نعبر عن غضبنا فى يوم احنا اعتبرناه يوم ميلاد لينا كلنا كشباب منزلش الشارع قبل كده

احتجاج عام لشعب مصر6 ابريل 2009

شباب 6 ابريل

شباب مصرى

شباب حر

سلام البتينجان

السلام السلام السلام
بنسمعها كتير فى مواقف الميكروباصات

لكن المرة دى مش منادى على عربية ميكروباص فى موقف رمسيس هو الى بيقول كده

المرة دى رؤساء الدول العربية هما الى بيقولو كده ومصدعين بيها دماغنا هما وسائل اعلامهم العقيمة ولا اجدع منادى على عربية

ميكروباص

نشوف القوة المعتدلة الى نادت بالسلام من اول ياسر عرفات رحمه الله الى وقع مع الصهاينة اتفاقات سلام وكانت النتيجة توسيع الرقعة الاستيطانية فى الضفة الغربية ومحاصرة مقره الرئاسى فى رام الله وقتل حرسه الشخصى ثم اعتباره عقبة عثرة فى محادثات السلام
وانه لو ساب الحكم او الدنيا هيبقى فيه سلام وهتبقى الدنيا ربيع والجو بديع
قامو سموه واصبح المغفور له ياسر عرفات
ومرورا بابو مازن الله يقحمه الى عمال يقول برضه السلام السلام السلام ويبوس ايد دى وده وبقى خدام ونلاقى برضك ان اسرئيل مع انها تقول عليه القوى المعتدلة وشريك اساسى فى عملية السلام
كل شوية تتوسع فى بناء المستوطنات فى الضفة والاغتيالات والاعتقالات لابناء الضفة الى هى تحت حكم القوى المعتدلة
فما الفارق اذن بين السلام والاستسلام

احتجاج عام لشعب مصر 6 ابريل 2009

إلى أهالي الدويقة والمنكوبين
وأهالي القتلى هناك
إلى أهالي المحلة أبطال مصر وتاج رأس شعبها
وأهالي معتقليهاإلى أهالي سراندو وعزبة محرم والبارودي وطوسون والفلاحين المُغتصبة حقوقهم
إلى أهالي أبو رجيلة المظلومين
الى كل سكان العشوائيات فى مصر
إلى معلمي مصر الأحرار المتضررين من الكادر الخاص المُهين
إلى مهندسي مصر الأحرار الساعين لتحرير نقابتهم من الحراسة والنهب الحكومى
إلى الأطباء الشرفاء الباحثين عن كادر خاص يضمن لهم حياة مناسبة دون اللهاث خلف العيادات الخاصة
الى شباب الاطباء الذين لا تكفى مرتباتهم البسيطة قيمة ما يتحملنه من عناء
الى الممرضات ملائكة الرحمة بمستشفياتنا الائي لا يريدن سوى كادر خاص يضمن لهن مستقبلهن
الى اساتذة الجامعة المصريين الشرفاء الباحثين عن كادر خاص يضمن لهم حياة كريمة
الى الاداريين فى الادارات التعليمية والمدارس الذين لا تكفى مرتباتهم ثمن العيش الحاف
الى موظفى الضرائب العقارية الابطال
الى عمال السكة الحديد ومترو الانفاق
الى عمال المحله المناضلين
الى الصحفيين اصحاب القلم الحر مسجوني قضايا النشر والواقع عليهم الضرر من جراء هذا القانون الظالم
الى جميع الطلاب المظلومين مع نظام تعليمى متخلف
الى نشطاء الجامعة والى كل من تضامن معهم عندما ضاع مستقبلهم
الى كل الشباب العاطلين الى الاميين الذين تعمدت الدولة الى ايصال نسبتهم من المجتمع الى هذا الحد وتركتهم يعانون وحدهم دون علاج
إلى أهالي بورسعيد الذين أعلن نظام مبارك الحرب عليهم
إلى أهالي دمياط الرافضين لأجريوم وغيره من قذارات الحكومة
إلى أهالي سيناء المهُدرة حقوقهم
إلى أهالي المنصورة وأقارب الفتاة المُغتصبة على أيدي الشرطة
إلى ضحايا أكياس الدم الفاسده وذويهم
إلى أهالي غرقى عبارة السلام إلى ضحايا وقتلى قطار الصعيد وذويهم
إلى ضحايا وقتلى الطائرة المصرية في الولايات المتحده وأقاربهم
إلى أهالي المنيا ضحايا وقتلى الإهمال والتسيب
إلى أسرة المستشار العشماوي شهيد الحق والعدالة
إلى أهالي وأقارب قتيلة الشرطة في صعيد مصر
إلى انصار أيمن نور ومسعد أبو الفجر وغيرهم من معتقلي الرأي والموقف في سجون مبارك
إلى الشباب المصري الذى ضاع حاضره وترقب مستقبله
إلى كل مصري حر شريف يعانى من الظلم والفساد والمعاناه
يوم6 ابريل 2009... طالب بحقك
بأى صورة تحبها
وقفات إحتجاجية
إعتصامات
مظاهرات
إضرابات عن العمل والشراء
إرتداء ملابس سوداء
المكوث بالبيت
والكثير الكثير من صور الإحتجاج
إعلنوها من الآن
6 إبريل 2009
إحتجاج عام لشعب مصر
شباب 6 ابريل
شباب بيحب مصر

الاكاذيب المصرية فى القضية الفلسطنية

قام اشاوس التلفزيون المصرى واشاوس الصحف القومية وذيولهم بتصديع دماغنا بان مصر فقدت 120000 شهيد فى اربع حروب علشان

فلسطين ومش ده بس لا ده سبب الفقر الى احنا فيه دلوقتى الحروب الى قمنا بيها من اجل فلسطين ووان مصر ضحت بالغال والنفيس من

اجل نصرة القضية الفلسطنية إلا صحيح مين نفيس ده

يعنى خلاصة الكلام ان مصر لو مكنتش حاربت عشان فلسطين كان زمانها عاملة زى امريكا

نيجى للسؤال المهم هل مصر حاربت اربع حروب فعلا علشان فلسطين يعنى 48و56و67و73 كانو كلهم علشان فلسطين ؟

ناخد الحروب بالترتيب كده اول حاجة حرب 48 مصر دخلتها وحاربت بالجيش بتاعها هناك علشان حلم المللك فاروق انه يصبح خليفة

للمسلمين وفرصة للفاسدين الى كانو فى الوقت ده بيسيطرو على البلد انهم يبيعو الاسلحة الباقية من الحرب العالمية التانية

وبعدين الجيوش العربية كلها دخلت الحرب معانا يعنى مكناش لوحدينا

نيجى للعدوان الثلاثى 56 حصل العدوان الثلاثى بسبب قرار تأميم القتاة ومسادة مصر فى ذللك الوقت للثورة فى الجزائر واسرئيل

فى سيناء يعنى الموضوع ملوش علاقة بفلسطين من اى جهة اطلاقا

نيجى لنكسة 67 : ودى حصلت برضك بسبب عدم اتمام حلم اسرئيل بأحتلال سيناء فى 56 يعنى اسرئيل من الاول حطه عنيها على سيناء

واحنا عارفين كده يعنى فلسطين برضك ملهاش اى علاقة بالنكسة

نيجى بقى لحرب 73: الى كانت اصلا قامت ومتجهز ليها علشان نحرر سيناء ملهاش اى علاقة بفلسطين نهائيا ودى ساعدتنا فيها كل الدول

العربية والاسلامية بلا استثناء على اساس اننا سوف نقوم بتحرير جميع الاراضى العربية من اسرئيل ولكن اننا خذلناهم بعدم تقدمنا اكثر

من 10 كيلو بعد القناة يعنى من الاخر احنا بعنا سورية الى الضغط زاد عليهم بسبب وقف اطلاق النار من جانبنا وفشلو فى تحرير هضبة الجولان


يعنى من الاخر محربناش غير فى 48 بس علشان فلسطين

قارجوكم كفاية كدب بقى
ملحوظة الكلام ده احنا الى درسناه فى كتب التاريخ الى هى بتاعت الحكومة برضك

ذكريات ثانوى

انا كنت وانا داخل المدرسة الثانوية اول يوم كنت خايف جداااااا لان بابا كان مفهمنى ان العيال الى فى المدرسة كلهم ضريبة وسيس طبعا هو ممقليش كده بالظبط بس قالى انهم بلطجية وصيع المهم انا روحت على المدرسة قمت ضارب القميص اللبنى والبنطلون الجينز الازرق
والجزمة الجديدة ودخلت المدرسة الاقى المدرسة كبيرررة قوى وفيها 7 مبانى وملعبين كورة وملعب طايرة وسلة انا انبهرت بصراحة
وانشكحت قوى لما شفت ظباط جيش فى المدرسة لانها مدرسة عسكرية المهم الطابور خلص بعد ما عرفنا الصفا والانتباه وان الى هيمشى معوج هياخد على قفاه وطلعت الفصل وقعدت فى اول تخته و فضلت خايف اكلم حد فى الفصل والفكرة انى لحظت ان معظم العيال زى كده يعنى شوية عيال خايفين واتلمو على بعض
تانى سنة هوب يامعلم محضرتش الطابور ده ولا مرة مفيش لبس مدرسة المدرس الى كان كان يديقنى نهاره اسود جوه الفصل
هروب من المدرسة على طول وكان مقرى الاساسى جنينة الاسماك واخر الاسبوع النت كافيه نلعب نت ورك مع العيال اصحابى الانتيم
نلعب رد الرت
وكانت قعدتى المفضلة بجانب المدرسة على الصبح كده يقوم كل واحد فينا جايب رغيف حكشه وبربع جنيه سجاير يدينا الراجل 3 سجاير بربع جنيه كان ثروة
وكنا بنقعد على سور بيت صغير وكان صحبه كل يوم يرمى علينا مية ويشتمنا ويطلع يجرى ورانا الكلام ده فضل سنتين
بس كده وابقى اقولكم على بقيت ذكرياتى الى انا عارف انها متهمكوش بس انا عايز اقولها والى مش عاجبه يخبط دماغه فى البحر
عارف انها فى الحيط بس مزاجى اقولها كده حد ليه عندى حاجة
يالا جتكو القرف

مبارك هو الى وقف عدوان غزة

والله ياجماعة مش انا الى بقول كده ده التلفزيون المصرى بتاعنا العقيم هو الى قال كده

قال بالحرف اولمرت : استجبت لطلب مبارك لوقف العدوان

مقدرش للاسف ارد على الكلام ده غير بلفظ ابيح مينفعش اقوله على الملأ كده

لأن اشاوس التلفزيون عندنا حطو فى شريط الاخبار بتاعنا هه واخدلى بالك

ان اسرئيل لن ترضخ لاى دولة ولن تستمع لاى احد يطلب منها وقف العدوان وده فى اليوم 18 للعدوان

نجى فى اليوم 22 من العدوان نقول ان مبارك هو الى طلب منهم كده

طب طالما هما بيسمعو الكلام وشطاراوى كده ما كان طلب منهم وقف العدوان الاول ولا هو استنى لحد ما يستشهد 2000 بنى ادم علشان يطلب منهم ده

طيب هما كده بيغلطو فى الريس الكبره بتاعنا وانا مقبلش ان حد يغلط فى الريس بتاعنا

ميصحش ده راجل اكبر من جدى الى مات من 15 سنة الله يرحمه تقولو عليه ان هو الى

وقف العدوان يعنى طالما هو اجمد من ساركوزى

والاتحاد الاوربى بحاله
الى طلب من اسرئيل انها توقف عدونها واسرئيل طلعت ليهم لسانها

ورفضت اى تدخل او طلب بوقف العدوان

يعنى معنى ان الرئيس طلب منهم ده وهما استجابو يعنى ان مبارك فعلا كلمته مسموعة

طب بس ده لي معنى تانى خطير ان مبارك كان قصده انه يأ دب اخوتنا الفلسطنين ولما

حس انهم أ تأدبو قال خلاص كفاية عليهم كده لا ده اتهام بخيانة الانسانية و العروبة
والاسلام

لا انا مقبلش على رئيسى اتهامه بالخيانة ياكلاب اتقو الله فى رئيس جمهوريتنا

كفاه ما يعانيه من متاعب بسبب حكمه لشعب زينا

تدوينات قديمة طحن

وقفة احتجاجية ضد الغلاء امام نقابة الصحفيين وقفة امام نقابة الصحفيين 8 مايو 2008نظم امس الكاتب الصحفى محمد عبد القدوس مقرر لجنة الحريات بنقابة الصحفيين وقفة للاحتجاج على غلاء الاسعار امام النقابة وقد حضر الى الوقفة اعضاء من حركة كفاية ونشطاء سياسين وايضا بعض المعتقلين على خلفية احداث 6من ابريل المفرج عنهم يوم الثلاثاء الموافق 7مايو ومجموعة شباب من الفيس بوك والذى كان بعضهم يشارك لاول مرة فى وقفات احتجاجية وقد بدأت الوقفة صامتة مكتفية برفع لافتات تندد بالغلاء وتحمل شعارات مثل هاتو لينا حكومة جديدة بقينا على الحديدة وانا جعان وعايز شغل وانا عايز اتجوز واه ياحكومة قطم الوسط بكرة نجيب العيش بالقسط وفى الساعة السادسة وربع تقريبا قام المتظاهرون بالهتاف ضد غلاء الاسعار الجنونى و ضد حكومة مبارك وقد ردد المتظاهرون هتافات مثل غلوسولارغلوبنزين لما عيشتنا بقت طين وغلو السكرغلو الزيت بكره نبيع عفش البيت
وقد قال رامى يحى احد المحبوسين على خلفية اضراب 6 ابريل والذى اصر على المشاركة رغم خروجه فقط منذ يومين من سجن المرجانا شاركت فى الوقفة دى علشان الاسعار ولعت ومش هنلاقى ناكل بعد كده ده غير ان مفيش حرية اساسا ولو حبسونى ولااعتقلونى مجرد ما اخرج من السجن ولا المعتقل هشارك تانى لاننا كلنا فى سجن كبير مش مشكلة لما يودونى سجن صغيروعن كيفية القاء القبض عليه قال انا نزلت من البيت ولاننا بنتفخ من كل حاجة فى البلد دى يعنى من الحكومة واعضا ء الحزب الوطنى والشرطة فقررت انى لازم انفخ بالونات على اساس ان دى الحاجة الوحيدة الى اعرف انفخها المهم نزلت ببالونات كتير وكل ماشوف ظابط منفوخ اقوم مفرقع بالونة لحد مقبضو عليا وحرزى تخيلو كان بالونات ولما طلعت عربية الترحيلات لقيتها مهزلة الى حرزه كان علم مصر والى حرزه كان كاميرا والى كان تى شيرت اسودده غير طبعا المجموعة الى اتخدو من على كافيه بوسط البلد اما عن المعاملة بداخل السجن فقال المعاملة كانت كويسة جدا والظباط كانو بيعملونا باحترام بس ده يرجع لاننا كنا عارفين حقنا وبنطالب بيه يعنى هما معملوش حاجة بمزاجهم وعن تلقيه لتهديدات فى حالة المشاركة فى اى اعتصامات او اضرابات مقبلة قال انا خدت تحذير بس مش صريح من امن الدولة ولكن فى ناس تانية جالهم تهديدات على التليفون فى حالة مشاركتهم اما نادية مبروك وهى ناشطة سياسية واحدى المخلى سبيلهم على خلفية 6ابريل فقالتانا بشارك فى الاضراب علشان تلات اسباب الاول هو الافراج عن خطيبى وليد صلاح المعتقل منذ 15يوم وتانى الاسباب الافراج عن باقى المعتقلين وتالت الاسباب غلاء الاسعار اما عن المعاملة داخل السجن فقالت كنا بنتعامل كويس جدا وده لان الخصومة مش بينا وبين ادارة السجن دى بينا وبين الحكومة والنظام