لحد امتى هنفضل ساكتين

ايه الى حصل ليناهل كرامتنا اصبحت فى البتينجان يظهر كده لاننا فى مصر زغرتنا اوى على الى عمله منتظر والى عمله شافيز والى عمله رجب طيب اردوغان ولسه بنهلل وهللنا لابو تريكة لما رفع الفانلة ومكتوب عليها تعاطفا مع غزةوبعدين يعنى احنا بنعملايه هنفضل نتفرج لحد امتىامتى نشارك عايزين يوم غضب بجديوم نقول فيهلحكومتنا فيه كفاية ذل كفاية مهانةاليو نان كلها انتفضت علشان صبى قتل على يد الشرطةكم صبى وكم رجل وكم فتاة قتلو على يد الشرطة فى خلال الاعوام الاخيرةكم مواطن عذب او انتهك عرضه او عرض زوجته او اخته على يد الشرطةان الشرطة قد ارتكبت جرائم تحاكم عليها حكومات بأكملها وتقالومع ذلك حكومتنا الميمونة مازلت فى مكانها

مات اكثر من الف نفس فى عبارة

ومعذ لك لسه ساكتين

مات المئات فى الدويقة رغم توافر اماكن بديلة لهم منذ سنوات ومع ذلك

لسه ساكتين

مفيش شغل

ولسه ساكتين

بناكل اكل مسرطن

ولسه ساكتين

بتتداس كرامتنا بالجزم

ولسه ساكتين

بيتصدر غازنا لاسرئيل وبأقل من السعر الى بيتباع لينا بيه

وبرضه لسه ساكتين

طلعت مصطفى خد ارض مدينتى ببلاش تقريبا

ولسه برضك ساكتين

احمد عز احتكر الحديد وبيتحكم فيه

ولسه برضك ساكتين

مبقناش لاقيين نتجوزولسه ساكتين

اسرئيل بتمرح فى سيناء ولاكأنها عزبة ابوها

ولسه برضك ساكتين

لحد امتى هنسكت بقى
الحل ايه

اننا نثور و نحتج نقول للظالم لا كفاية غور

ننزل الشوارع نعبر عن غضبنا فى يوم احنا اعتبرناه يوم ميلاد لينا كلنا كشباب منزلش الشارع قبل كده

احتجاج عام لشعب مصر6 ابريل 2009

شباب 6 ابريل

شباب مصرى

شباب حر

سلام البتينجان

السلام السلام السلام
بنسمعها كتير فى مواقف الميكروباصات

لكن المرة دى مش منادى على عربية ميكروباص فى موقف رمسيس هو الى بيقول كده

المرة دى رؤساء الدول العربية هما الى بيقولو كده ومصدعين بيها دماغنا هما وسائل اعلامهم العقيمة ولا اجدع منادى على عربية

ميكروباص

نشوف القوة المعتدلة الى نادت بالسلام من اول ياسر عرفات رحمه الله الى وقع مع الصهاينة اتفاقات سلام وكانت النتيجة توسيع الرقعة الاستيطانية فى الضفة الغربية ومحاصرة مقره الرئاسى فى رام الله وقتل حرسه الشخصى ثم اعتباره عقبة عثرة فى محادثات السلام
وانه لو ساب الحكم او الدنيا هيبقى فيه سلام وهتبقى الدنيا ربيع والجو بديع
قامو سموه واصبح المغفور له ياسر عرفات
ومرورا بابو مازن الله يقحمه الى عمال يقول برضه السلام السلام السلام ويبوس ايد دى وده وبقى خدام ونلاقى برضك ان اسرئيل مع انها تقول عليه القوى المعتدلة وشريك اساسى فى عملية السلام
كل شوية تتوسع فى بناء المستوطنات فى الضفة والاغتيالات والاعتقالات لابناء الضفة الى هى تحت حكم القوى المعتدلة
فما الفارق اذن بين السلام والاستسلام

احتجاج عام لشعب مصر 6 ابريل 2009

إلى أهالي الدويقة والمنكوبين
وأهالي القتلى هناك
إلى أهالي المحلة أبطال مصر وتاج رأس شعبها
وأهالي معتقليهاإلى أهالي سراندو وعزبة محرم والبارودي وطوسون والفلاحين المُغتصبة حقوقهم
إلى أهالي أبو رجيلة المظلومين
الى كل سكان العشوائيات فى مصر
إلى معلمي مصر الأحرار المتضررين من الكادر الخاص المُهين
إلى مهندسي مصر الأحرار الساعين لتحرير نقابتهم من الحراسة والنهب الحكومى
إلى الأطباء الشرفاء الباحثين عن كادر خاص يضمن لهم حياة مناسبة دون اللهاث خلف العيادات الخاصة
الى شباب الاطباء الذين لا تكفى مرتباتهم البسيطة قيمة ما يتحملنه من عناء
الى الممرضات ملائكة الرحمة بمستشفياتنا الائي لا يريدن سوى كادر خاص يضمن لهن مستقبلهن
الى اساتذة الجامعة المصريين الشرفاء الباحثين عن كادر خاص يضمن لهم حياة كريمة
الى الاداريين فى الادارات التعليمية والمدارس الذين لا تكفى مرتباتهم ثمن العيش الحاف
الى موظفى الضرائب العقارية الابطال
الى عمال السكة الحديد ومترو الانفاق
الى عمال المحله المناضلين
الى الصحفيين اصحاب القلم الحر مسجوني قضايا النشر والواقع عليهم الضرر من جراء هذا القانون الظالم
الى جميع الطلاب المظلومين مع نظام تعليمى متخلف
الى نشطاء الجامعة والى كل من تضامن معهم عندما ضاع مستقبلهم
الى كل الشباب العاطلين الى الاميين الذين تعمدت الدولة الى ايصال نسبتهم من المجتمع الى هذا الحد وتركتهم يعانون وحدهم دون علاج
إلى أهالي بورسعيد الذين أعلن نظام مبارك الحرب عليهم
إلى أهالي دمياط الرافضين لأجريوم وغيره من قذارات الحكومة
إلى أهالي سيناء المهُدرة حقوقهم
إلى أهالي المنصورة وأقارب الفتاة المُغتصبة على أيدي الشرطة
إلى ضحايا أكياس الدم الفاسده وذويهم
إلى أهالي غرقى عبارة السلام إلى ضحايا وقتلى قطار الصعيد وذويهم
إلى ضحايا وقتلى الطائرة المصرية في الولايات المتحده وأقاربهم
إلى أهالي المنيا ضحايا وقتلى الإهمال والتسيب
إلى أسرة المستشار العشماوي شهيد الحق والعدالة
إلى أهالي وأقارب قتيلة الشرطة في صعيد مصر
إلى انصار أيمن نور ومسعد أبو الفجر وغيرهم من معتقلي الرأي والموقف في سجون مبارك
إلى الشباب المصري الذى ضاع حاضره وترقب مستقبله
إلى كل مصري حر شريف يعانى من الظلم والفساد والمعاناه
يوم6 ابريل 2009... طالب بحقك
بأى صورة تحبها
وقفات إحتجاجية
إعتصامات
مظاهرات
إضرابات عن العمل والشراء
إرتداء ملابس سوداء
المكوث بالبيت
والكثير الكثير من صور الإحتجاج
إعلنوها من الآن
6 إبريل 2009
إحتجاج عام لشعب مصر
شباب 6 ابريل
شباب بيحب مصر

الاكاذيب المصرية فى القضية الفلسطنية

قام اشاوس التلفزيون المصرى واشاوس الصحف القومية وذيولهم بتصديع دماغنا بان مصر فقدت 120000 شهيد فى اربع حروب علشان

فلسطين ومش ده بس لا ده سبب الفقر الى احنا فيه دلوقتى الحروب الى قمنا بيها من اجل فلسطين ووان مصر ضحت بالغال والنفيس من

اجل نصرة القضية الفلسطنية إلا صحيح مين نفيس ده

يعنى خلاصة الكلام ان مصر لو مكنتش حاربت عشان فلسطين كان زمانها عاملة زى امريكا

نيجى للسؤال المهم هل مصر حاربت اربع حروب فعلا علشان فلسطين يعنى 48و56و67و73 كانو كلهم علشان فلسطين ؟

ناخد الحروب بالترتيب كده اول حاجة حرب 48 مصر دخلتها وحاربت بالجيش بتاعها هناك علشان حلم المللك فاروق انه يصبح خليفة

للمسلمين وفرصة للفاسدين الى كانو فى الوقت ده بيسيطرو على البلد انهم يبيعو الاسلحة الباقية من الحرب العالمية التانية

وبعدين الجيوش العربية كلها دخلت الحرب معانا يعنى مكناش لوحدينا

نيجى للعدوان الثلاثى 56 حصل العدوان الثلاثى بسبب قرار تأميم القتاة ومسادة مصر فى ذللك الوقت للثورة فى الجزائر واسرئيل

فى سيناء يعنى الموضوع ملوش علاقة بفلسطين من اى جهة اطلاقا

نيجى لنكسة 67 : ودى حصلت برضك بسبب عدم اتمام حلم اسرئيل بأحتلال سيناء فى 56 يعنى اسرئيل من الاول حطه عنيها على سيناء

واحنا عارفين كده يعنى فلسطين برضك ملهاش اى علاقة بالنكسة

نيجى بقى لحرب 73: الى كانت اصلا قامت ومتجهز ليها علشان نحرر سيناء ملهاش اى علاقة بفلسطين نهائيا ودى ساعدتنا فيها كل الدول

العربية والاسلامية بلا استثناء على اساس اننا سوف نقوم بتحرير جميع الاراضى العربية من اسرئيل ولكن اننا خذلناهم بعدم تقدمنا اكثر

من 10 كيلو بعد القناة يعنى من الاخر احنا بعنا سورية الى الضغط زاد عليهم بسبب وقف اطلاق النار من جانبنا وفشلو فى تحرير هضبة الجولان


يعنى من الاخر محربناش غير فى 48 بس علشان فلسطين

قارجوكم كفاية كدب بقى
ملحوظة الكلام ده احنا الى درسناه فى كتب التاريخ الى هى بتاعت الحكومة برضك

ذكريات ثانوى

انا كنت وانا داخل المدرسة الثانوية اول يوم كنت خايف جداااااا لان بابا كان مفهمنى ان العيال الى فى المدرسة كلهم ضريبة وسيس طبعا هو ممقليش كده بالظبط بس قالى انهم بلطجية وصيع المهم انا روحت على المدرسة قمت ضارب القميص اللبنى والبنطلون الجينز الازرق
والجزمة الجديدة ودخلت المدرسة الاقى المدرسة كبيرررة قوى وفيها 7 مبانى وملعبين كورة وملعب طايرة وسلة انا انبهرت بصراحة
وانشكحت قوى لما شفت ظباط جيش فى المدرسة لانها مدرسة عسكرية المهم الطابور خلص بعد ما عرفنا الصفا والانتباه وان الى هيمشى معوج هياخد على قفاه وطلعت الفصل وقعدت فى اول تخته و فضلت خايف اكلم حد فى الفصل والفكرة انى لحظت ان معظم العيال زى كده يعنى شوية عيال خايفين واتلمو على بعض
تانى سنة هوب يامعلم محضرتش الطابور ده ولا مرة مفيش لبس مدرسة المدرس الى كان كان يديقنى نهاره اسود جوه الفصل
هروب من المدرسة على طول وكان مقرى الاساسى جنينة الاسماك واخر الاسبوع النت كافيه نلعب نت ورك مع العيال اصحابى الانتيم
نلعب رد الرت
وكانت قعدتى المفضلة بجانب المدرسة على الصبح كده يقوم كل واحد فينا جايب رغيف حكشه وبربع جنيه سجاير يدينا الراجل 3 سجاير بربع جنيه كان ثروة
وكنا بنقعد على سور بيت صغير وكان صحبه كل يوم يرمى علينا مية ويشتمنا ويطلع يجرى ورانا الكلام ده فضل سنتين
بس كده وابقى اقولكم على بقيت ذكرياتى الى انا عارف انها متهمكوش بس انا عايز اقولها والى مش عاجبه يخبط دماغه فى البحر
عارف انها فى الحيط بس مزاجى اقولها كده حد ليه عندى حاجة
يالا جتكو القرف

مبارك هو الى وقف عدوان غزة

والله ياجماعة مش انا الى بقول كده ده التلفزيون المصرى بتاعنا العقيم هو الى قال كده

قال بالحرف اولمرت : استجبت لطلب مبارك لوقف العدوان

مقدرش للاسف ارد على الكلام ده غير بلفظ ابيح مينفعش اقوله على الملأ كده

لأن اشاوس التلفزيون عندنا حطو فى شريط الاخبار بتاعنا هه واخدلى بالك

ان اسرئيل لن ترضخ لاى دولة ولن تستمع لاى احد يطلب منها وقف العدوان وده فى اليوم 18 للعدوان

نجى فى اليوم 22 من العدوان نقول ان مبارك هو الى طلب منهم كده

طب طالما هما بيسمعو الكلام وشطاراوى كده ما كان طلب منهم وقف العدوان الاول ولا هو استنى لحد ما يستشهد 2000 بنى ادم علشان يطلب منهم ده

طيب هما كده بيغلطو فى الريس الكبره بتاعنا وانا مقبلش ان حد يغلط فى الريس بتاعنا

ميصحش ده راجل اكبر من جدى الى مات من 15 سنة الله يرحمه تقولو عليه ان هو الى

وقف العدوان يعنى طالما هو اجمد من ساركوزى

والاتحاد الاوربى بحاله
الى طلب من اسرئيل انها توقف عدونها واسرئيل طلعت ليهم لسانها

ورفضت اى تدخل او طلب بوقف العدوان

يعنى معنى ان الرئيس طلب منهم ده وهما استجابو يعنى ان مبارك فعلا كلمته مسموعة

طب بس ده لي معنى تانى خطير ان مبارك كان قصده انه يأ دب اخوتنا الفلسطنين ولما

حس انهم أ تأدبو قال خلاص كفاية عليهم كده لا ده اتهام بخيانة الانسانية و العروبة
والاسلام

لا انا مقبلش على رئيسى اتهامه بالخيانة ياكلاب اتقو الله فى رئيس جمهوريتنا

كفاه ما يعانيه من متاعب بسبب حكمه لشعب زينا

تدوينات قديمة طحن

وقفة احتجاجية ضد الغلاء امام نقابة الصحفيين وقفة امام نقابة الصحفيين 8 مايو 2008نظم امس الكاتب الصحفى محمد عبد القدوس مقرر لجنة الحريات بنقابة الصحفيين وقفة للاحتجاج على غلاء الاسعار امام النقابة وقد حضر الى الوقفة اعضاء من حركة كفاية ونشطاء سياسين وايضا بعض المعتقلين على خلفية احداث 6من ابريل المفرج عنهم يوم الثلاثاء الموافق 7مايو ومجموعة شباب من الفيس بوك والذى كان بعضهم يشارك لاول مرة فى وقفات احتجاجية وقد بدأت الوقفة صامتة مكتفية برفع لافتات تندد بالغلاء وتحمل شعارات مثل هاتو لينا حكومة جديدة بقينا على الحديدة وانا جعان وعايز شغل وانا عايز اتجوز واه ياحكومة قطم الوسط بكرة نجيب العيش بالقسط وفى الساعة السادسة وربع تقريبا قام المتظاهرون بالهتاف ضد غلاء الاسعار الجنونى و ضد حكومة مبارك وقد ردد المتظاهرون هتافات مثل غلوسولارغلوبنزين لما عيشتنا بقت طين وغلو السكرغلو الزيت بكره نبيع عفش البيت
وقد قال رامى يحى احد المحبوسين على خلفية اضراب 6 ابريل والذى اصر على المشاركة رغم خروجه فقط منذ يومين من سجن المرجانا شاركت فى الوقفة دى علشان الاسعار ولعت ومش هنلاقى ناكل بعد كده ده غير ان مفيش حرية اساسا ولو حبسونى ولااعتقلونى مجرد ما اخرج من السجن ولا المعتقل هشارك تانى لاننا كلنا فى سجن كبير مش مشكلة لما يودونى سجن صغيروعن كيفية القاء القبض عليه قال انا نزلت من البيت ولاننا بنتفخ من كل حاجة فى البلد دى يعنى من الحكومة واعضا ء الحزب الوطنى والشرطة فقررت انى لازم انفخ بالونات على اساس ان دى الحاجة الوحيدة الى اعرف انفخها المهم نزلت ببالونات كتير وكل ماشوف ظابط منفوخ اقوم مفرقع بالونة لحد مقبضو عليا وحرزى تخيلو كان بالونات ولما طلعت عربية الترحيلات لقيتها مهزلة الى حرزه كان علم مصر والى حرزه كان كاميرا والى كان تى شيرت اسودده غير طبعا المجموعة الى اتخدو من على كافيه بوسط البلد اما عن المعاملة بداخل السجن فقال المعاملة كانت كويسة جدا والظباط كانو بيعملونا باحترام بس ده يرجع لاننا كنا عارفين حقنا وبنطالب بيه يعنى هما معملوش حاجة بمزاجهم وعن تلقيه لتهديدات فى حالة المشاركة فى اى اعتصامات او اضرابات مقبلة قال انا خدت تحذير بس مش صريح من امن الدولة ولكن فى ناس تانية جالهم تهديدات على التليفون فى حالة مشاركتهم اما نادية مبروك وهى ناشطة سياسية واحدى المخلى سبيلهم على خلفية 6ابريل فقالتانا بشارك فى الاضراب علشان تلات اسباب الاول هو الافراج عن خطيبى وليد صلاح المعتقل منذ 15يوم وتانى الاسباب الافراج عن باقى المعتقلين وتالت الاسباب غلاء الاسعار اما عن المعاملة داخل السجن فقالت كنا بنتعامل كويس جدا وده لان الخصومة مش بينا وبين ادارة السجن دى بينا وبين الحكومة والنظام

كرامة البتينجان

يبدو ان جينات الكرامة عند الشعب المصرى ذهبت وحل محلها البتينجان ابو صلصة

ركبت امبارح الميكروباظ وانا مروح على البيت وانجعصت على الكنبة الاخيرة وطلعت

الدستور قعدت اتسلى فيه شوية

وإذ فجأة الاقى

فيه واحد قاعد قدامى عمل يتكلم عن مصر ودور مصر وانها ازاى بتساعد

الفلسطنين (ولاد ...........) زى ما قال الى هما باعو ارضهم لليهود وجايين دلوقتى يعيط
و
ولا حماس الى عاملين رجالة على الفاضى واسرئيل لبستهم الطرح ولاولا مصر لكان
زمان الفلسطنين دول مبادين عن بكرة ابيهم نفسى اعرف لقى الكلمة دى فين


وان مصر حاربت علشان ولاد(......) دول اربع حروب خسرت فيها اكتر من 100 مليار

دولار واكتر من مليون راجل

نفسى اعرف جاب الاعدد دى كلها منين

وان مفيش حد ولا دولة عربية عمل الى عملناه لفلسطين والله فى ديه بالذات عنده حق فعلا


المهم انا سخنت قامت ردد عليه وقايل ليه

فعلا مفيش حد ولا حد هيعمل الى عملناه فى فلسطين من قفل المعبر وهدم انفاق واتفاق على

ضرب غزة

وبعدين فلسطنين مين الى باعو ارضهم فلسطين على حسب معلوماتى كانت تحت الاحتلال

البريطانى الى سلمها الى الصهاينة

يعنى محدش باع حاجة ولو حصل كانت نسبة قليلة جدا الى عملت كده نتيجة الخوف من

البطش الانجليزى اوالخوف من الاستيلاء على الارض ودون اخذ اى مقابل وبعدين لو

نفرض ان كلامك ده صحيح ايه علاقة غزة بالكلام ده وبعدين الكلام ده كان من 5 اجيال

مينفعش نحاسب حد على حاجة عملها جد جده
وبعدين منتا فى مصر عندك نفس المخطط وبيحصل فى ابو حصيرة والاقصر واسوان

وبيحصل فى الشركات الى اشتروها صهاينة ومشاركة فيها بنسب كبيرة وبتدى غازك

لاسرئيل ببلاش تقريبا ايه ياعم الى بيته من ازاز ميحدفش الناس بالطوب


لقيته برضه بيقاوح وبيقالى ياعم دول قتلو ظابط مصرى نساعد مين دول بدل مايضربو

اليهود بيضربونا احنا

قالتله اول ده كان تبادل لاطلاق النار مش ضرب من ناحية الفلسطنين فقط والظابط

هو الى بدء الاول

تنى حاجة هو احنا اسود على الفلسطينين ونعاج وخرفان مع الصهاينة

مهم قتلين لينا السنة دى بس بتاع حوالى 7 على الحدود ده غير المصابين

اصابو عدد من الجنود المصريين بشظايا صاروخية اسرئيلية

انتهكو المجال الجوى المصرى بالعبيط

سقط صاروخين من اسرئيل على رفح المصرين ومتفجروش الحمدلله

اتصدعت كل البيوت الى على الحدود من القصف

لقيته لسه هيقاوح قالتله بص


انتا بتبرر جبننا بايه

جتنا القرف وقمت نازل من المدعوقة قبل ما المحطة تيجى بتاعتى علشان مقتلش الراجل

من الغيظ

الشباب و الاطفال

الشباب
ريقك بينشف معاهم علشان يقاطعو ونفسى اعرف ليه الى يقولك اصلى انا مقدرش انا لازم افطر من عند ماك واتغدى من عند كنتاكى وقهوتى من عند ستار بكس طبعا ولازم البيبس على الريق ولاز المارلبور الاحمر ولا الكينت مقدرش اشرب غيرهم
مش عارف يعنى لو فطر عند حمادة بتاع الفول زى بقيت البشر واتغدى عند ابو طارق هيموت يا ولداه ولا لو شرب القهوة عند عم فتحى مش هينزل عليه الوحى ولا لوشرب كوكو الضعيف صدره هيجيلو سرطان مهو كده كده جاى قالى مش هيجى بالكينت يعنى ولا الميريت
ولا لوشرب عصير من عند فرغلى هيموت يعنى وعلى فكرة فرغلى ده اختراع جامد موت

والى يقولك ياعم يعنى هو انا لو الى هقاطع لما الناس تبقى اتقاطع ابقى ااقاطع معاهم انا بعنى الجنيه بتاعى الى هيخسرهم
والى بقى يتفلسف ويقولك اصل انا كده بقفل بيوت مصريين منتا لما بتشترى الحاجة دى بتقفل بيوت مصريين شغالين فى مصانع مصرية مية فى المية

الاطفال
مجرد ماتشرح لهم الموضوع بيتحمسو جداويسالو على اى حاجة يشتروها دى منشأها ايه
انا فيه واحدة زميلتى حكيتلى عن اخوها الصغير الى فى 1 ابتدائى واشترى مرة حاجة حلوة ومكنش يعرف انها مقاطعة ومجرد ماعرف اصر انه ينزل علشان يغيرها
ولا انه بيرفض ياخد اى حلويات لو مقاطعة وده طفل عمره سبع سنين بس عارف وفهم ان الفلوس الى بيدفعها دى بتقتل اخواته فى فلسطين والعراق
نفسى اعرف هما الاطفال بقو بيفهمو وعندهم انتماءواحساس اكتر مننا
ولا احنا الى بقينا جبلات وبهايم
امتى تفوقو يابقر

مبارك مصر مصر مبارك

نفسى اعرف يعنى ايه الجملة الغبية دى الى بقت تلطش فى وشى كل ما اروح اى داهية ولا مصيبة تشيلة البعيد بقت مرمية على كل سور وفى كل ميدان
الله يحرقه

ا ع لا ن

قامت جامعة الدول العربية برئاسة سيادة السفير عمرو موسى فى اعقاب فشل القمة العربية وخيبتها القوية فى ايقاف مجزرة غزة
الى نشر اعلان مدفوع الاجر عن طلب رؤساء للدول العربية بنظام الاحتراف وبعقود مؤقت لمدة عام على ان يكون
رئيس سابق لاحد الدول
وإلا يكون امضى فى الحكم اكثر من عشر سنوات
وان يمتلك بما يعرف بجينات الكرامة والعزة
وان يمتلك ايضا السائل الاحمر الذى يطلق عليه الدم
وعلى من تتوافر فيه هذه الشروط ان يتقدم للوظيفة المعلنة
وقد علمنا من صادر مطلعة بجامعة الدول العربية انه لم يتقدم بالطبع اى رئيس عربى نظرا لعدم حصول اى رئيس عربى على لقب سابق وتفضيل عليه لقب راحل ولعدم توافر اى من هذه الشروط بأى رئيس عربى

حدث فى معهد ناصر

امبارح كنت متفق مع اتنين اصحابى اننا نروح معهد ناصر نزور اخوتنا الفلسطنيون المهم ميعاد الزيارة الساعة كام
قالولى الزيارة من 3 الى 8 خلاص قمت اتفقت مع اصحابى نتقابل هناك ياشباب الساعة4 قدام المعهد
ماشى روحنا هناك الاقى الراجل الى على الباب ايوة يا كابتن رايح فين
انا رايح ازور المصابين الفلسطنين
طيب اقطع تذكرة الاول
طيب بكام ياعم التذكرة
ب5 جنيه
ليه ياعم هو انا كنت داخل الازهر بارك ده انا داخل مستشفى وبعدين مكتوب على اللوحة الى قدامى ان الفرد ب3 جنيه والسيارة ب5 جنيه
قالى ما هى غليت ماشى ياعم هدفع وأمرى لله
وبدئنا نزورا اخوتنا المصابين المهم لقيت الناس الى معايا تعبت من اللف قولنا نريح شوية فى الاستراحة 10 دقايق ونكمل بعد كده الجولة وفجاة واخدين بالكم من فجأة دى
الاقى واحد من الامن جاى
الامن:بعد اذنكم ممكن تتفضلو تمشو من هنا
انا: ليه ياعم
الامن: دى اوامر المدير اصل فيه وفد من الفنانين جايين دلوقتى ومعاهم نقيب الممثلين واحتمال وزير الصحة
انا: حاضر من عنيا الاتنين
افاجأ انه بيمشى الناس الى لسه جاية ومعظمهم طالبات ومش قايلين لاهلهم انهم هيتاخرو
انا: على فكرة انا كنت حمشى علشان كنت فاكر ان ممنوع اقعد فى الاستراحة دلوقتى لكن انك تمنع الناس انها تزور المصابين ده مش من حقك احنا فى مواعيد زيارة رسمية
الامن : انزل قول الكلام ده للمدير
الناس بدأت تتجمع حواليا وبدأت تعترض هى كمان
الامن : بعد اذنك لو مش عاجبك انزل للمدير
انا: لا المدير هو الى يجيلى مش انا الى اروحله هو موجود علشان يخدم الناس مش الناس هى الى تخدمه
الامن : طيب ممكن ثوانى
يجيلى واحد حيطة ويزعق كله ينزل بعد اذنكو بره
انا : مش خارج
الراجل الحيطة : دى اوامر من امن الدولة
انا: امن الدولة ده فى وزارة الداخلية هناك فى لاظوغلى مش هنا فى المستشفى واومرهم دى لنفسهم مش علينا
ومتزعقش معايا كده انتا فاكر نفسك مين وبعدين مين الى جايين دول هما يقتلو القتيل ويمشو فى جنازته
جالى واحد محترم وقالى انا المسؤل الفلسطينى هنا وانا متأسف جدا بس انتا جاى تعمل خير وهى خمس دقايق وحقك عليا ومعلش المهم انا قلت خلاص 5 دقايق مش هتفرق اروح اتوضى واصلى المغرب وابقى ادخل صليت وخلصت الاقى الناس واقفة لسه فى الطرقة والباب مقفول لسه ايه ياجماعة هو الباشا لسه مخلص زيارته هوب اكتشف انه اصلا مجاش وان الى جه
تامر حسنى ومنة شلبى واشرف عبدالباقى وحنان ترك وعزت ابوعوف
بس انا سمعت كده وعرق الكرامة نطر فى وشى ورحت زقق الباب وشاخط فى الامن فين المدير لقيته قالى حضرتك هو هناك اهو واقف مع عزت ابو عوف
راحت داخل شايط فيه وانتا ازاى تمنعنا اننا نشوف اخوتنا الفلسطنيسن وازاى متحترمش مواعيد الزيارة الى انتا حاططها وفضلت ازعق لحد ماقالى حضرتك عايز ايه مش تدخل اتفضل ادخل للمرضى واحنا اسفين جدا قولتله مش هدخل لوحدى الناس الى معايا تدخل برضك قالى بس..... قبل ما يكمل كنت مزعق وقلت كلهم يدخلو ولاهما ولاد البطة السودا
لقيته نده على الامن وقايله دخل الناس خلاص
وانتصرنا قصدى ودخلنا للمرضى
فعلا عالم تخاف متختشيش

حماس والهزيمة المريرة

هذا ما قاله اثنان من اشاوس الا ستراتجية العسكرية حيث قالو ان كلام حماس عن ان غزة ستكون مقبرة لاسرائيل هو كلام فارغ وحنجورية
وان اسرئيل سوف تدخل غزة بالكامل خلال ساعات وما هى إلا مسالة وقت وفعلا
لم تمض ساعات حتى جاء نبأ مقتل5 جنود صهاينة بأيدى المقاومة الباسلة ثم ساعات اخرى وارتفع عدد قتلى جيش الاحتلال الى 9 وانباء عن محاصرة قوة خاصة اسرئيلية من قبل عناصر المقاومة ثم انباء عن اسر جنديين اثنين من جنود الاحتلال وكل هذا ولم تدخل اسرئيل غزة حتى الان وانما هى على حدود غزة بمعنى
ان حماس وعدت فصدقت ان غزة ستكون مقبرة للصهاينة اذا حاولو مجرد دخولها

الكبير كبير

العنوان ده احد الافتكاسات العبقرية لاحد العظماء من رؤساء تحرير الصحف القومية يعنى هو كان حاطط العنوان الكبير ده بالبنط الكبير وتحته تصريحات الريس عن انه لايقبل المزايدة على دور مصر الاقليمى والعربى والعالمى وريادتها العربية
وان مصر قد ضحت وضحت وضحت وضحت من اجل العروبة( الراجل يولداه لسه عايش فى الغيبوبة وعايش على زمن امجاد العروبة ويولداه ما يعرفش ان مصر بقيت موكوسة ومن على الخريطة مبقتش موجودة ) المهم بعد الكلام الكتير عن محور الناس الوحشين الى هما طبعا ايران وسوريا وحزب الله وانهم بيشوهو سمعة مصر إلا مين سمعة ده صحيح وانهم عايزين يحققو مصالح شخصية شوف الوحشين على حساب الفلسطينين
المهم الى فهمته من اللئيم الى كتب التعليق على تصريحات فخامة سعادة جناب حضرة الرئيس انه لما قال ان الكبير كبير بيشبهه بالسندويتش و للامانة مش اى سندويتش ده الكومبو ومش اى كومبو ده اكيد كومبو من وصاية